दाङ स्पोर्ट्स क्लब पोर्चुगल गठन,अध्यक्षमा शिवसागर बुढाथोकी सर्वसम्मत चयन
- नमुना नेपाल
- 26 May, 2024
नेपाली खेलकुदलाई अन्तर्राष्ट्रिय स्तरमा चिनाउने उद्देश्यले पोर्चुगलमा दाङका युवाहरू सम्मीलित दाङ स्पोर्ट्स क्लब गठन गरिएको छ।
आज लिस्वनमा भएको एक भेलाले उर्जाशील युवा शिवसागर बुढाथोकीको नेतृत्वमा ९ जनाको कार्यसमिति गठन गरिएको हो।क्लबको सचिवमा केशव केसी चयन भएका छन् भने सह-सचिवमा विवेक ओली,विपना रोका ओली चयन भएका छन्।
त्यस्तै कोषाध्यक्षमा राजन योगी छनोट भएका छन् भने सह-कोषाध्यक्षमा सरद पाण्डे निर्वाचित भएका छन्।क्लबको टिम मेनेजरमा सेवक बि.सी,कोचमा केबल डिसी र क्याप्टेनमा नदन ओली सर्वसम्मत चयन भएको जानकारी दिइएको छ।
क्लबको सल्लाहकारहरुमा हेमन्त केसी,चन्द्र डागी,चुर्ण ब.खड्का ,रमेश परियार,सन्तोष केसी,सन्जय योगी र सुनील पोख्रेल चयन भएका छन्।प्रेस सल्लाहकारको जिम्मेवारी पुरुषत्तम अधिकारी र प्रदिप खड्कालाई दिइएको क्लबले जनाएको छ।
पोर्चुगलमा भिन्न,पृथक र नमुना कार्य गर्ने उद्देश्यले क्लब गठन गरिएको क्लबका अध्यक्ष शिवसागर बुढाथोकीले नमूना नेपाललाई जानकारी दिए।हेरौं नवगठित क्लबका अध्यक्षको भनाई यस्तो रहेको छ:
उपस्थित रहनु भएका सबै युवा खेलप्रेमी दङ्गेली साथीहरू नमस्कार !
आज हामीहरू पोर्चुगलमा रहेका युवा खेलप्रेमी दङ्गेली साथीहरूलाई समेट्ने उदेश्यले यो भेटघाट कार्यक्रम गरिरहेका छौं। उपस्थिति सबै साथीहरूलाई यो अवसरमा हार्दिक स्वागत गर्न चाहन्छु।
पोर्चुगलमा दङ्गेली युवा र खेलाडी साथीहरूको ठूलो उपस्थिति रहेको कुरालाई मध्यनजर गर्दै खेलको माध्यमबाट एकतामा जोड्न यो पहल गरिएको हो। खेल शारीरिक, मानसिक र स्वास्थ्यको लागि वास्तवमा सबैलाई आवश्यक छ।
दाङ राष्ट्रिय प्रतियोगितामा धेरै खेलाडी उत्पादन गर्ने जिल्ला मध्ये एक हो । अब हामीले पोर्चुगलमा हुने फुटबल, भलिबल लगायत विभिन्न प्रतियोगितामा पनि सहभागीता जनाइ शसक्त रूपमा अगाडि बढ्न यो क्लब गठन गरिएको हो।
आजको दिनमा हाम्रो क्लबलाई एउटा बलियो र उत्कृष्ट बनाउन हामी सबै मिलेर लागौं भनी अनुरोध पनि गर्दछु ।
धन्यवाद ।।
Leave a Reply
Your email address will not be published. Required fields are marked *
