• नमुना नेपाल
• 24 Aug, 2024

लमजुङ समाज पोर्चुगलले चर्चित गायक मिलन लामाको साथमा तीज विशेष कार्यक्रम गर्ने भएको छ।

पोर्चुगलको राजधानी लिस्वनमा रहेको चर्चित मन्दिर राधाकृष्ण मन्दिरको प्राङ्गणमा सो कार्यक्रम हुन लागेको हो।

अगष्ट २५ तारीख आइतबार हुने उक्त कार्यक्रममा माझी दाइ पोखरा फेवातालको,हङकङ आइडिले,लालुपाते फुल छैन लगायत  थुप्रै गीतका सर्जक एवं गायक मिलन लामाले उपस्थित नेपालीलाई विशेष मनोरञ्जन दिने छ्न।

समाजले उक्त दिन साधारणसभा तथा अधिवेशन घोषणा कार्यक्रम पनि राखेको जनाएको छ।पोर्चुगलमा रहेका सक्रिय संघ-सस्था,ब्यबसायी,सामाजिक व्यक्तित्व,पत्रकार लगायत समस्त नेपालीहरुलाई उपस्थित भएर कार्यक्रमको रोनकता बढाउन  समाजले विशेष आग्रह पनि गरेको छ।